Име на проектот: „Меѓуопштинска соработка за ефикасна испорака на услуги“

Локација: Чашка и Велес, Брвеница и Тетово

Краток опис:

Главната цел на Проектот беше да ја промовира меѓуопштинската соработка како ефикасен пристап кон испораката на услуги и да даде поддршка на доброто владеење за ефикасен развој. Проектните активности беа структурирани така што првично беа насочени кон недостатоците во организацијата на локално ниво, а потоа кон овозможување на создавање на поволен амбиент за меѓуопштинска соработка. Проектните активности беа фокусирани на создавање на услови за непречено спроведување на договорите за меѓуопштинската соработка во областа на администрирањето и прибирањето на даноците меѓу општините Чашка и Велес, како и Брвеница и Тетово.

Тематска област: Децентрализација

Статус на проектот: Завршен

Донатор: УНДП – Тематски фонд наменет за сегметот владеење (Governance Thematic Trust Fund)

Период на спроведување на проектот: септември 2007 – септември 2008

Достигнувања:

• Воспоставување на договори за иницијална соработка со градоначалниците со цел да се воспостави меѓуопштинската соработка меѓу општините Чашка и Велес, како и Брвеница и Тетово;
• Врз основа на анализата и во тесна соработка на УНДП и горенаведените општини, како област на интервенција беше избрано даночното управување;
• Спроведена е евалуација на информатичко-комуникациската технологија (ИКТ) во општините Чашка и Брвеница со цел да се овозможи неограничен електронски проток на информации и документи меѓу партнерските општини;
• Купена е ИТ опрема и воспоставена безжична мрежа меѓу целните општини;
• Инсталиран е кориснички софтвер за администрирање на даноците во општините Брвеница и Чашка, истиот е тестиран и ставен во функција. За општината Брвеница изработена е и web-страница;
• Спроведена е обука од областа на ИТ за 30 вработени во општините Брвеница и Чашка;
• Дадена е поддршка во ажурирањето на базата на податоци преку процесот на регистрација на имотите во општините, и тоа:
  • спроведена е промотивна кампања (снимен и емитуван видео материјал и изработени и дистрибуирани промотивни материјали) наменета за информирање на граѓаните и обезбедување на нивна поддршка во процесот на регистрацијата на имотите;
  • именувани беа и поддржани повеќе тричлени комисии во секоја општина за да се одреди пазарната вредност на имотите;
  • изработена е методологија за ажурирање на базата на податоци на даночните обврзници;
  • за учесниците од четирите општини испорачана е тридневна обука од областа на прибирањето на даноците, методологијата за проценка на имотите и управувањето со даноците.
• Во периодот од септември 2007 година до декември 2008 година спроведена е регистрација на 2700 даночни обврзници во општината Чашка и 3700 даночни обврзници во општината Брвеница и беа ажурирани регистрите на недвижниот имот на даночните обврзници;
• Спроведено е студиско патување во Република Бугарија за претставниците на општините со посета на Форумот за меѓуопштинска соработка и искористување на фондовите на ЕУ. Воедно беше организирана посета на неколку проекти за меѓуопштинска соработка: размена на електронски информации меѓу општините од регионот на Благоевград, меѓуопштинската депонија, модели на меѓуопштинска соработка во областа на социјалните услуги (од кадешто се добија одредени искуства за можни проекти за меѓуопштинска соработка во областа на социјалните услуги).