|
УНДП објавува повик за доставување пријави за грантови, како дел од Програмата
„Меѓуопштинска соработка за подобра испорака на услуги и пристап кон ЕУ “
За потребите на програмата „Меѓуопштинска соработка за подобра испорака на услуги и пристап кон ЕУ“, канцеларијата на Програмата за развој на Обединетите нации објавува грант шема за меѓуопштинска соработка „Техничка помош за иновации“ (ТПИ).
Програмата има за цел да придонесе за развојот на меѓуопштинската соработка (МОС) во земјата како поддршка на една од главните цели на децентрализацијата, а тоа е ефикасна испорака на лесно достапни и квалитетни јавни услуги за граѓаните и да ги обезбеди неопходните институционални и професионални капацитети. Програмата настојува да воспостави ефективен систем што ќе ја поддржи меѓуопштинската соработка, а што ќе биде усвоен и проширен од страна на Владата преку сопствени политики и ресурси.
УНДП, во соработка со Министерството за локална самоуправа на РМ, ја спроведува грант шемата за техничка помош за меѓуопштинска соработка, со цел да даде поддршка главно на малите и рурални општини, но и на останати општини кои имаат специфични развојни потреби.
Грант шемата за меѓуопштинска соработка ќе даде поддршка на општините во воспоставувањето и функционирањето на меѓуопштинската соработка во следниве области:
- Социјалната заштита и заштита на децата
- Заштита на животната средина и природата
Времетраењето на секој проект во рамките на овој грант изнесува 6 (шест) месеци. Вкупниот износ за овој повик изнесува 5.000.000 денари. Општините може да поднесат пријави за грантови за проекти за МОС во висина од 500.000 до 750.000 денари. Една општина може да учествува само во еден предлог проект. На успешните општини износот ќе им се префрли во две рати.
Општините кои изразуваат желба да поднесат пријави за ТПИ грант шемата можат да ги подигнат Оперативните насоки за подносители на предлог проекти заедно со Пријавата на следната адреса:
УНДП Програма за Меѓуопштинска соработка
Васил Главинов, 3/1-1, 1000, Скопје
(Градски ѕид, над „Дијагностички центар“)
или истите да ги превземат од следните веб страни:
Пријавите мора да се достават на рака, по пошта, или курир на долунаведената адреса (на доставувачот ќе му се даде потпишана потврда со датумот на приемот на пријавата):
УНДП Програма за Меѓуопштинска соработка
Васил Главинов, 3/1-1, 1000, Скопје
(Градски ѕид, над „Дијагностички центар“)
Пријавите се примаат најдоцна до 15 септември 2010 година, до 17:00 часот. Ниедна апликација нема да биде примена по истекот на рокот. Успешните подносители ќе бидат известени најдоцна до 30 септември 2010 година.
Документи за грантови за МОС - социјална заштита и заштита на деца:
Оперативни насоки
Пријава
Документи за грантови за МОС - заштита на животна средина и природа:
Оперативни насоки
Пријава
|
Како резултат на опсежната реформа за децентрализација, Општините добија зголемен број надлежности од централната власт кои генерираа голем обем на одговорности и задачи за Општините, но, од друга страна, се поставија основи за бројни услуги кои треба локално да им се испорачуваат на граѓаните.