Emri i projektit: BNK – Sinkronizim për bashkëpunim – Bashkëpunim ndërkomunal në mikroregjionin e kërçovës

Lokacioni: Drugovë, Vraneshtica, Zajasi, Oslomej dhe Kërçova

Përshkrim i shkurtër:

Qëllimi i projektit është të kontribuoj në përmirësimin e kualitetit të ofrimit të shërbimeve publike në nivel lokal përmes përmirësimit të bashkëpunimit ndërkomunal në kontekst të reformës rrjedhëse në procesin e decentralizimit dhe proceseve të integrimit në UE. Projekt aktivitetet janë fokusuar në mikroregjionin e kërçovës, gjegjësisht në komunat Drugovë, Vraneshticë, Zajas, Oslomej dhe Kërçovë, ku sigurohet përkrahje teknike për bashkëpunim ndërkomunal dhe përforcohen kapacitetet e administratës lokale për tu realizuar partneriteti në nivel lokal për ofrim të përbashkët të shërbimeve për banorët lokal dhe qeverisje të mirë për zhvillim lokal. Ky projekt është dedikuar për të dhënë përkrahje për ndërtimin e kapaciteteve për pesë komunat për të bashkëpunuar përmes marrëveshjeve të ndryshme për bashkëpunim ndërkomunal. Sinkronizimi i sistemeve, kapaciteteve të punësuarve dhe qasja e përbashkët deri në administratën lokale do të mundësoj efikasitet dhe efektivitet maksimal.

Lëmia tematike: Decentralizimi

Statusi i projektit: Në vijim

Donator: Qeveria e Mbretërisë së Norvegjisë

Periudhë e realizimit të projektit: Në vijim

Çfarë është arritur:

• Është definuar platformë e përbashkët për bashkëpunim ndërmjet pesë komunave nga mikroregjioni i kërçovës, nëpërmjet të një procesi vëllimor të diskutimeve, në mes të ekipit të projektit dhe kryetarëve. Janë bërë marrëveshje për qasjet adekuate të bashkëpunimit, janë zgjidhur të gjitha paqartësitë dhe është ndërtuar nivel i duhur i besimit dhe mirëkuptimit ndërmjet shfrytëzuesve kryesor për përfitimet e projektit.;
• Është angazhuar ekspert ndërkombëtar për bashkëpunim ndërkomunal për të kontribuar në fazën e përgatitjes së sistemit nëpërmjet të ndarjes së praktikave më të mira dhe përmes sigurimit të propozimeve strategjike për UNDP dhe partnerët.;
• Ishte realizuar edhe udhëtim studimi në Republikën e Bullgarisë ku nga ana e Shoqatës së komunave juglindore të Bullgarisë ishte organizuar forum për bashkëpunim ndërkomunal dhe shfrytëzim të fondeve të UE për përfaqësuesit e ministrive dhe personave profesional për komunat e të dy vendeve;
• Strategji për regjistrimin e obliguesve tatimor – është kompletuar hapi i parë gjithëpërfshirës i obliguesve tatimor dhe përcaktimi i vlerës tregtare i pronës së tyre;
• Trajnim për administrimin e tatimeve – regjistrimi i obliguesve tatimor dhe përcaktimi i vlerës tregtare për pronat, i ofruar për 90 pjesëmarrës nga pesë komunat (dy module për dy grupe);
• Është përpunuar strategji për kampanjë lokale për ngritjen e vetëdijes dhe edukim të obliguesve tatimor në sferën e të drejtave dhe obligimeve të tyre në procesin e regjistrimit dhe mbledhjes së tatimeve. Janë shtypur materiale promovuese dhe udhëzues për realizimin e kampanjës lokale me pjesëmarrje aktive të komunave;
• Është realizuar mbledhja e të dhënave nga tereni për pronën e patundshme të obliguesve tatimor nga ana e 18 komisioneve komunale në bazë ditore (tetor-dhjetor të vitit 2008); Janë azhurnuar regjistrat e pronave të patundshme për pesë komunat me të dhëna me mbi 10.000 obligues tatimor.
• Është përpunuar Raporti për vlerësim të teknologjisë informatike-komunikuese (TIK) në të cilën janë përfshirë çështjet në vijim: njohuritë nga lëmia e TI, pajisja harduerike dhe softuerike, softueri aplikativ, pajisja e rrjetit, rrjedha e të dhënave dhe informatave, procedimi i të dhënave dhe transparenca e informatave për pesë komunat. Ky raport përmban rekomandime për intervenimet që duhen bërë në lëmi të caktuara dhe paraqet bazë për përpunimin e specifikacionit teknik për furnizim me softuer, harduer dhe organizim të trajnimeve.
• Është përgatitur strategji e përbashkët për zhvillim ekonomik lokal në bashkëpunim me pesë komunat e cila përmban listë të rëndësishme të projekteve prioritare për të zhvilluar tërë mikro regjionin;
• Është përfunduar analiza për ofrimin e shërbimeve e cila siguron të dhëna për llojin, kuantitetin, kualitetin e shërbimeve të kërkuara dhe të ofruara nga çdo komunë, si dhe komunikimi ndërmjet komunave dhe qytetarëve, vëllimi i pjesëmarrjes së qytetarëve në pushtetin lokal, etj... Është realizuar shqyrtimi i strukturës organizative për pesë komunat, si dhe i akteve të tyre për sistematizim dhe organizim;
• Në bazë të konstatimeve të fokus grupeve ( u organizuan 5 fokus grupe tematike nga lëmia e urbanizmit, zhvillimit ekonomik lokal, administrimit me tatime, aktivitetet komunale dhe inspektimit), është përgatitur raport për konstatimin e gjendjes në të cilën janë përmbledhur rekomandime për përmirësimin e kryerjes së funksioneve dhe ofrimin e shërbimeve si dhe rekomandime për modele optimale për bashkëpunim ndërkomunal. Opsionet e identifikuara për politikat e bashkëpunimit ndërkomunal, në të cilën ishte përfshirë edhe analiza e të kushtuarit, i është propozuar pushtetit lokal. Pasi që të sillet vendim për zgjedhje të modeleve optimale për bashkëpunimin ndërkomunal ndërmjet komunave partnere, UNDP do të përgatit plan akcional për përkrahje të mëtejshme për themelimin dhe vendosjen në funksion të modeleve të qëndrueshme të bashkëpunimit ndërkomunal të cilat do të sigurojnë ofrim efikas të shërbimeve në nivel lokal.